ELYN — سوق الأزياء المصري متعدّد التجّار
سوق إلكتروني متعدّد التجّار للأزياء في مصر: متجر للعملاء، لوحة لكل تاجر، ولوحة إدارة للمنصة — عربي أوّلاً بمنطق RTL كامل.
التحدي
السوق متعدّد التجّار أصعب من المتجر الواحد بمرتبة كاملة، لأن كل قرار له ثلاث جهات: العميل، التاجر، وإدارة المنصة.
المقاسات والأسعار: في الأزياء السعر بيختلف بالمقاس لا باللون — والمنتج الواحد ممكن يكون له سعر وخصم وكمية وألوان مختلفة لكل مقاس. أي نموذج بيانات يفترض «سعر واحد للمنتج» بيكسر فورًا.
الشحن: مفيش شركة شحن موحّدة. كل متجر بيوصّل بسعره، وفيه عملاء بيفضّلوا الاستلام من المحل. ومعنى ده إن السلة لازم تبقى من متجر واحد بس — وإلا مين اللي بيوصّل ومين اللي بياخد سعره؟
الثقة: المتجر بيبدأ فاضي والعميل مش عارف التاجر. محتاج تقييمات حقيقية، ومنع أي حد يقيّم منتج مشتراه، ومنع التاجر إنه يزوّق صفحته.
الأمانة الحسابية: العميل مايقدرش يتحكّم في السعر، والتاجر لازم يشوف صافيه بالجنيه، والإدارة تشوف الصورة كاملة.
وفوق ده كله: عربي أوّلاً. مش ترجمة، وإنما اتجاه وأرقام وجمع وتصريف صح.
الحل
• نموذج بيانات المقاسات: كل مقاس (XS حتى 4XL) له سعره وخصمه وكميته وألوانه — ومفتاح «مقاس واحد» بيخفي المقاسات للمنتجات اللي مالهاش مقاسات.
• سلة على السيرفر مربوطة بالعميل لا بالمتصفح: بتعيش عبر الأجهزة، وأي منتج بيتحذف أو بيتوقّف تفعيله بيختفي منها فورًا. الحساب كله على السيرفر — العميل بيبعت المنتج والكمية، مش السعر.
• قاعدة «متجر واحد للسلة»: لو العميل ضاف من متجر تاني، السيرفر بيرجّع 409 بأسماء المتجرين، والواجهة بتسأله: يتجاهل، أو يفرّغ ويستبدل.
• التوصيل: استلام من المحل مجانًا، أو توصيل بسعر المتجر نفسه — بدون قوائم شحن ثابتة.
• دورة حياة الطلب بخمس مراحل (قيد التنفيذ / التجهيز / التوصيل / تم التوصيل / ملغي) بانتقالات محكومة: العميل يلغي في المرحلة الأولى فقط، والتاجر يلغي في أي مرحلة ويحرّك الحالات.
• ثلاث لوحات في نظام واحد: متجر العملاء، لوحة التاجر، ولوحة إدارة المنصة — بحمايات منفصلة، ولا واحدة بتوصل لبيانات التانية.
• دخول العميل بالتليفون + OTP وتوكن، ومفتاح API على كل نداء للـ API.
• التقييمات مربوطة بشراء مُستلَم فعلًا، مع ردّ التاجر وإخفاء المسيء — وبدون كشف اللي العميل اشتراه.
• بحث سريع على فهارس FULLTEXT مع ترجيح للأهمية (اسم المنتج أهم من الوصف)، ومتوسطات التقييم محسوبة مسبقًا عشان صفحة الأقسام ماتحسبهاش لكل بطاقة.
• تصدير الطلبات Excel و PDF محترمين الفلاتر: الإكسل streaming بلا سقف، والـ PDF بخط عربي متّصل صح.
• تصميم عربي أوّلاً بمسافات منطقية (inline-start) فتنعكس الصفحة كاملة، ونسخة إنجليزية مكتملة.
• كل الشرائط والنصوص التسويقية والأقسام من إعدادات لوحة الإدارة — المتجر بيتغيّر بدون نشر جديد.
